30 de decembro de 2011

Vivir con artrite: consellos (20)


É recomendable usar un calzado cómodo

Pode ser recomendable un pouco de tacón, se é baixo e ancho. O talón debe estar ben suxeito polo que son recomendables zapatos con reforzo posterior. Os tacóns altos e finos van producir ou empeorar os problemas de xeonllos e columna, chegando incluso a deformar os pés.

Extraído de “Calendario 2010: Consejos para la artritis reumatoide”, editado por Abbott e Elsevier Doyma e elaborado polo Dr. Rafael Goya Moscoso a partir das publicacións: Artritis reumatoide: Guía de la enfermedad para el paciente; ¿Qué es la artritis reumatoide?, e La dieta y las enfermedades reumáticas, editados pola Sociedad Española de Reumatoloxía

16 de decembro de 2011

Vivir con artrite: consellos (19)


Tome unha ducha quente pola mañás

Axudaralle a eliminar o agarrotamento articular e prepararao para pasar un bo día.


Extraído de “Calendario 2010: Consejos para la artritis reumatoide”, editado por Abbott e Elsevier Doyma e elaborado polo Dr. Rafael Goya Moscoso a partir das publicacións: Artritis reumatoide: Guía de la enfermedad para el paciente; ¿Qué es la artritis reumatoide?, e La dieta y las enfermedades reumáticas, editados pola Sociedad Española de Reumatoloxía

II Xornadas autonómicas "Dor e sociedade"

Onte 15 de decembro tivo lugar a segunda edición das Jornadas autonómicas "Dolor y sociedad", organizadas pola plataforma Sin Dolor en Santiago de Compostela, en colaboración co Sergas, e que se centraron na atención á dor no sistema sanitario galego.

Entre os relatores e relatoras desta xornada, todos eles profesionais do mundo sanitario, tamén se amosou o punto de vista dos pacientes, pois a presidenta da nosa asociación, Marisa Balado, participou nunha mesa redonda, expoñendo a ponencia titulada Participación del paciente en el proceso de atención al dolor.

Na web de plataforma Sin Dolor pode verse unha reseña da actividade, ásí como consultar o programa completo.

9 de decembro de 2011

Vivir con artrite: consellos (18)


Acude a todas as túas citas

A algúns pacientes pode resultarlle pesado ter que visitar ao reumatólogo unha ou dúas veces ao ano (dependendo da gravidade) pero isto tamén forma parte do protocolo para conseguir unha mellor calidade de vida. O especialista realizaralle as análises pertinentes e adaptará o tratamento ás necesidades da enfermidade. É unha boa medida para controlar a súa evolución.

Extraído da revista MG, nº 39. Artigo elaborado por AMAPAR.

25 de novembro de 2011

Vivir con artrite: consellos (17)


Mantén as articulacións e os músculos en forma

É fundamental para a rehabilitación das articulacións e a súa mellor mobilidade. Deste xeito a persoa sentirase máis áxil na realización das súas actividades diarias. Segundo o grado da enfermidade, os fisioterapeutas ensinarán uns exercicios determinados, que poderán practicar todos na casa.



Extraído da revista MG, nº 39. Artigo elaborado por AMAPAR.

11 de novembro de 2011

Vivir con artrite: consellos (16)


Dosifica os esforzos.

A persoa con artrite reumatoide sabe detectar perfectamente onde está o seu límite de esforzo. Intentar forzalo pode xerar sobrecargas nas articulacións pode provocar máis dor. Establece o teu ritmo (que xa non é o de antes, nin é necesario que o sexa) e procura non chegar ao límite de esforzo.

Extraído da revista MG, nº 39. Artigo elaborado por AMAPAR.

28 de outubro de 2011

Vivir con artrite: consellos (15)


Manteña unha dieta sa e equilibrada

Evite o exceso de grasa e sal así como o consumo de doces. Non hai alimentos especialmente contraindicados para a artrite reumatoide.


Extraído de “Calendario 2010: Consejos para la artritis reumatoide”, editado por Abbott e Elsevier Doyma e elaborado polo Dr. Rafael Goya Moscoso a partir das publicacións: Artritis reumatoide: Guía de la enfermedad para el paciente; ¿Qué es la artritis reumatoide?, e La dieta y las enfermedades reumáticas, editados pola Sociedad Española de Reumatoloxía

19 de outubro de 2011

Oferta Termas de Cuntis

Termas de Cuntis envíanos as súas ofertas para Asociacións no ano 2012. Os socios e socias da Asociación de Artrite de Santiago poden beneficiarse das mesmas.




14 de outubro de 2011

Estancia termal en Laias


Moi pronto poderemos disfrutar duns días no Balneario Laias Caldaria (Ourense). Será do día 6 ao 11 de novembro (de domingo a venres)

Pode asistir calquera persoa aínda que non sexan socios/as da AAS. Como vén sendo habitual, a Asociación dedicará unha partida económica para subvencionar a inscrición das persoas asociadas, polo que dependendo do número de asistentes pode variar o prezo. A estancia inclúe réxime de pensión completa, traslados, programa termal personalizado segundo criterio médico, así como outras actividades de animación e lecer.

A inscrición pode facerse xa, chamando ao teléfono 659084950 (de luns a venres de 10:00 a 13:00 h.)
Esperamos que vos animedes a vir. Agardámosvos!


A Asociación de Artrite nos medios

A Asociación de Artrite de Santiago está sendo noticia estes días pola campaña "Outubro, mes da artrite", que inclúe actividades como as mesas informativas nos hospitais e a celebración da VII Xornada Nacional de Artrite.
Estes eventos fixeron que nos últimos días se incrementase significativamente o interese dos medios de comunicación pola doenza de artrite, así como polas actividades e servizos da nosa asociación. Isto significa moito para nós, pois un dos obxectivos da asociación é a sensibilización e a visibilización desta doenza. 
Estas son algunhas das novas publicadas estes días:
Na sección "prensa" desta web pódese acceder a moitas outras noticias relacionadas coa artrite e coa Asociación de Artrite de Santiago.

10 de outubro de 2011

Gran acollida da VII Xornada Nacional da Artrite

A semana pasada tiveron lugar os actos da campaña "Outubro, mes da artrite".

O día 4 de outubro, no Hospital Provincial e no Hospital Clínico, instaláronse sendas mesas informativas polas que pasaron numerosas persoas interesándose por todo tipo de informacións relacionadas coa enfermidade de artrite.

E o día 6 de outubro, no Hospital Clínico, asistimos á VII Xornada Nacional de Artrite, onde tivemos oportunidade de escoitar ponencias moi interesantes: despois da inauguración e benvida da presidenta da AAS, Marisa Balado, o doutor Carlos González Juanatey achegounos información sobre o risco cardiovascular e o exercicio en pacientes con artrite reumatoide; a doutora Eva Pérez Pampín falounos sobre o medo dos pacientes aos tratamentos cando os realizan por primeira vez, e a nosa compañeira da asociación Inés Boo Ferro deu unha visión sobre o papel das persoas con artrite como cidadáns activos, e non só como "pacientes".

Como en edicións anteriores, quedamos con moi bo sabor de boca tras esta experiencia, e esperamos  que esta sensación sexa compartida por todas aquelas persoas que participaron dalgunha forma neste evento. A todos eles, queremos agradecerlle dende aquí a súa colaboración: as entidades patrocinadoras, pois sen elas non sería posible; os relatores e relatoras da Xornada, que nos aportaron a súa experiencia, coñecementos e consellos; as compañeiras que se encargaron das mesas informativas, que sempre están ao pé do cañón coa nosa causa; a Conartritis, que é a verdadeira artífice destas iniciativas, e como non, aos numerosos socios e socias da AAS e outros/as pacientes que asistiron, que demostraron o gran interese que esperta todo o relacionado coa mellora da calidade de vida nesta doenza.

Algunhas fotos destes días:

Algúns medios fixéronse eco da Xornada. As noticias publicadas poden verse na sección "prensa".

28 de setembro de 2011

Outubro, mes da artrite | 2011


Como en anos anteriores, a Coordinadora Nacional de Artrite (ConArtritis) celebrará o próximo mes de outubro a campaña "Outubro, mes da artrite".
O propósito desta campaña é informar a pacientes, familiares e cidadanía en xeral das peculiaridades da nosa doenza, onde responderemos ás súas dúbidas e achegaremos o material informativo que sexa necesario.
Baixo o lema "Implícate en saúde" preséntase este ano un programa de actividades que se realizarán en diferentes puntos de España, para concienciar ás persoas con artrite da importancia de coñecer a súa enfermidade e manter unha vida saudable, así como intentar dar a coñecer á poboación en xeral o que supón convivir con artrite.
O noso afán é mellorar a calidade de vida das persoas con artrite e queremos pedirche que te impliques en saúde, na túa saúde.
É moi importante para as persoas que sufrimos a enfermidade, as nosas familias, amizades ou o noso ámbito en xeral estar informado. O feito de mostrarse pasivo produce malestar e encerra grades dúbidas que tal vez non nos permiten realizar as nosas actividades diarias de forma satisfactoria, por iso nesta campaña pedímosche que participes, que te impliques.
Ofrecémosche coñecer a nosa enfermidade, informar dos tratamentos que existen e trataremos de dar respostas e apoio.

Os actos previstos para este ano son os seguintes: 
 
VII Xornada Nacional de Artrite: onde se creará un encontro e un espazo de coloquio entre pacientes e expertos na materia.
En Santiago de Compostela, esta xornada celebrarase en colaboración coa Asociación de Artrite de Santiago o día 6 de outubro na sala 1 do Hospital Clínico, a partir das 17:00 h.

Mesas informativas en hospitais, centros de saúde e centros de especialidades: onde se poderá encontrar toda a información para coñecer a enfermidade e resolver todas as dúbidas que se teñan.
Como cada ano, tamén a nosa asociación colabora nesta actividade, organizando estas mesas informativas no Hospital Clínico (entrada principal e de consultas externas) e no Hospital Provincial de Conxo (entrada principal), o día 4 de outubro.


31 de agosto de 2011

Novas actividades: Meditación e Chi Kung

Como cada ano, dende a asociación estamos a organizar algunhas actividades, que se desenvolverán no Centro Sociocultural de Fontiñas. Como novidade, este ano comezan as clases de Meditación e Chi Kung.

Ambas actividades están destinadas a mellorar o benestar persoal, e no caso das persoas que padecen algunha doenza, como artrite, pode repercutir de xeito beneficioso.

MEDITACIÓN
·        Horario: Xoves de 10:00 h. a 11:00 h. 
·        Lugar: C.S.C de Fontiñas. 
·        Inscrición a partir do 15/09. Socios/as: chamar á asociación (tlf. 659084950). Non socios/as: contactar co CSC de Fontiñas.
·        Prezo: 30 € / trimestre. Subvencionado para socios da AAS

CHI KUNG

·        Horario: Martes de 10:00 h. a 11:00 h. 
·        Lugar: C.S.C de Fontiñas. 
·        Inscrición a partir do 15/09. Socios/as: chamar á asociación (tlf. 659084950). Non socios/as: contactar co CSC de Fontiñas.
·        Prezo: 30 € / trimestre. Subvencionado para socios da AAS

30 de agosto de 2011

Novas publicacións sobre artrite



Recentemente, a Coordinadora Nacional de Artrite (ConArtritis) presentou o "Estudo de Satisfacción coas Terapias Biolóxicas, dende a visión dos pacientes con Artrite Reumatoide," avalado pola Sociedade Española de Reumatoloxía (SER) e coa colaboración de Roche. O obxecto do estudo foi analizar a satisfacción dos pacientes con Artrite Reumatoide cos tratamentos biolóxicos e coñecer cales son as súas vivencias, expectativas e o grao de participación na toma de decisións sobre o tratamento, entre outros. Segundo o estudo, o tratamento cun fármaco biolóxico supón unha "volta á vida" para estes pacientes, que valoraron cunha nota media de 8 a súa satisfacción xeral con estes fármacos. A maior puntuación obsérvase nos pacientes máis novos ou de recente diagnóstico, que amosan un maior grao de satisfacción.
Na sección “Publicacións” desta web (á marxe esquerda), hai un enlace para poder consultar o estudo completo.

Tamén está xa dispoñible para consultar a publicación “Hablemos de artritis reumatoide”, presentada hai varios meses, editada por Roche coa colaboración de ConArtritis e a SER. Este libro inclúe aspectos esenciais para os pacientes con esta enfermidade como cales son os seus síntomas, o modo de diagnóstico ou os tratamentos dispoñibles. Ademais, tamén recolle unha serie de consellos para que as persoas con Artrite Reumatoide poidan controlar esta doenza, coñezan as terapias complementarias e logren ter unha mellor calidade de vida.

25 de agosto de 2011

Vivir con artrite: consellos (14)


Á hora de conducir...
  • Axustar a distancia entre o asento e o volante. É importante un respaldo firme e recto e a colocación dun pequeno coxín na zona lumbar.
  • Se ten limitación da columna vertebral utilice os espellos retrovisores amplos e accesorios se fose necesario.
  • Non conducir longas distancias sen parar nin facer descansos frecuentes. É importante saír do coche e andar un pouquiño para evitar a tumefacción das articulacións.
Extraído do artigo “Consejos posturales para evitar la sobrecarga articular de la columna”, publicado na “Revista Mira”, nº 3. Autora: Cristina Aymerich Mañas

19 de agosto de 2011

De paciente a paciente en Santiago

O proxecto "De paciente a paciente" edita un newsletter que recolle, no seu último número, a experiencia levada a cabo no Hospital Clínico de Santiago de Compostela, e inclúe unha entrevista a Marisa Balado, presidenta da Asociación que exerce como voluntaria neste proxecto de apoio emocional e acompañamento a pacientes.

Ver newsletter nº 2.
Ver outros newsletter do proxecto.
Máis información sobre o proxecto "De paciente a paciente"

8 de xullo de 2011

Vacacións

Do 15 de xullo a 15 de agosto pechamos por vacacións, polo que non se atenderá na sede da Asociación.


Disfrutade do verán!

11 de xuño de 2011

Fotos da excursión a Portugal e da estancia en Laias

Do 29 de abril ao 1 de maio estivemos visitando o noso país veciño, Portugal, na zona de Fátima. Visitamos lugares como a cidade dos templarios Tomar, Nazaré, a casa dos pastores, a gruta da Moeda...
Tamén recentemente disfrutamos dunha estancia no balneario de Laias Caldaria.
Deixamos unhas fotos que amosan o ben que o pasamos nestes días.

Excursión a Portugal


Estancia en Laias

5 de xuño de 2011

Programa Áfora

ConArtritis está a realizar o programa Áfora, de formación a pacientes con enfermidades reumáticas inflamatorias, que está declarado de utilidade para pacientes reumáticos pola Sociedade Española de Reumatoloxía e que ten o patrocinio de MSD Inmunoloxía.

O obxectivo do programa é mellorar o coñecemento e manexo da enfermidade, así como a calidade de vida das persoas que padecen estas patoloxías. A formación está a ser impartida por médicos reumatólogos e consiste nunha charla por patoloxía nas que o especialista informará sobre a enfermidade, os tratamentos actuais e a calidade de vida e na que os pacientes poderán formular dúbidas relacionadas coa enfermidade.

A Asociación de Artrite de Santiago, integrante de Conartritis, está a desenvolver en Santiago este programa educacional. As charlas que se organizan en Santiago son impartidas pola Dra. Eva Pérez Marín, reumatóloga do Hospital Clínico.

A charla sobre Artrite Reumatoide tivo lugar o pasado 1 de xuño, e a de Espondilite Anquilosante será o vindeiro 22 de xuño na Casa das Asociacións ás 18:00 h.

Para máis información, chamar ao teléfono da asociación: 659 084 950

3 de xuño de 2011

A Asociación de Artrite de Santiago na Revista Mira

O número 3 de "Mira", a revista especializada en Artrite da Fundación Abbott, recolle a experiencia da presidenta da Asociación de Artrite de Santiago, Marisa Balado, como paciente de artrite reumatoide dende hai uns 26 anos.


Marisa comparte a súa experiencia persoal, ao tempo que conta cómo xurdiu a Asociación, e o traballo que se fai dende a mesma.

Ver o artigo completo.

1 de xuño de 2011

Libro sobre enfermidades reumáticas

Enmarcado no proxecto Salud y Trabajo, impulsado pola Fundación Abbott e a Fundación Ramón Areces, publicouse este libro, que analiza en profundidade e coa implicación de todos os sectores afectados, as consecuencias laborais e económicas das enfermidades reumáticas en España, co obxectivo de tomar conciencia da situación e tomar as medidas necesarias para permitir que as persoas afectadas por esta doenza poidan seguir tendo unha vida plena e produtiva.


Os resultados recollidos nesta publicación son os presentados ao longo do 2010 en diversos actos ao longo da xeografía española. En Santiago de Compostela tivemos a oportunidade de coñecer estes datos na Xornada sobre as enfermidades reumáticas en Galicia.

Ver publicación

29 de maio de 2011

Vivir con artrite: consellos (13)

O tabaco multiplica por catro o risco de padecer artrite reumatoide
Un estudo realizado en España e dirixido polo doutor Alejandro Balsa sinala que o tabaco multiplica por catro o risco de padecer artrite reumatoide.
Segundo o doutor Balsa, as enfermidades complexas como a artrite reumatoide teñen unha compoñente xenética e unha ambiental, ésta última é ás veces difícil de coñecer, pero no caso da artrite reumatoide o tabaco é o principal factor externo que predispón á enfermidade.
Extraído do artigo “Espondilitis anquilosante y tabaco”, publicado na “Revista Mira”, nº 3. Autora: Mireia Moreno Martínez-Losa

3 de maio de 2011

Saída ao Balneario de Laias Caldaria

Temos prevista unha nova saída ao Balneario Laias Caldaria (Ourense), onde poderemos disfrutar dunha estancia na que disporemos dun programa termal personalizado, animación, sendeirismo, etc.
As datas serán do 5 ao 10 de xuño (de domingo a venres) e inclúe:
  • 5 días - 6 noites.
  • Rexime de pensión completa.
  • Traslados incluídos.
  • Programa termal personalizado segundo criterio médico.
  • Actividade de Aguagym.
  • Programa de animación.
  • Sendeirismo.
Saída dende o Centro Sociocultural de Fontiñas ás 12:15 h. do domingo.

Como vén sendo habitual, a Asociación subvenciona ás persoas asociadas, polo que dependendo das persoas que se apunten pode variar o prezo. Confiamos en que será unha boa oferta.


As datas de inscrición serán do 19 de abril ao 16 de maio, chamando ao teléfono 659084950 (de luns a venres de 10:00 a 13:00 h.) A partir do 16 de maio chamaremos ás persoas apuntadas para informar do prezo definitivo.

Esperamos que vos animedes a vir. Agardámosvos!

Para ir facendo boca, deixamos algunhas imaxes do entorno do balneario, que sacamos nunha ocasión anterior.

30 de marzo de 2011

Excursión a Portugal

Os días 29 e 30 de abril e 1 de maio (venres, sábado e domingo) organizamos unha visita ao noso país veciño, visitando Fátima, Tomar, Nazaré, etc. 

A viaxe inclúe autocar, estancia en réxime pensión completa (bebidas incluídas), seguro de viaxe e guía acompañante.

Para reservar, podes facelo chamando ao teléfono da asociación: 659 084 950. 

Non fai falta ser socio/a para asistir.


ITINERARIO:
Día 29 de abril
  • Saída ás 15:00 h. do Centro Sociocultural de Fontiñas con destino a Fátima, facendo as paradas necesarias en ruta.
  • Chegada ao hotel.
  • Cea e aloxamento.
 Día 30 de abril
  • Almorzo. Saída para visitar a cidade dos templarios “Tomar”, onde destaca o seu castelo, o casco antigo e o barrio xudeu.
  • Xantar no hotel.
  • Pola tarde visitaremos “O Sitio” desde onde hai unha excelente panorámica da cidade de Nazaré. A continuación visitaremos esta fermosa vila pesqueira e turística.
  • Regreso ao hotel.
  • Cea e aloxamento.
 Día 1 de maio
  • Almorzo. Saída para Aljustrel para visitar as casas onde naceron os pastores.
  • A continuación visitaremos a Gruta da Moeda.
  • Regreso a Fátima para visitar o seu santuario e a nova igrexa subterránea recentemente inaugurada.
  • Xantar.
  • Saída para Galicia facendo unha parada en Valença do Miño para compras.
  • Chegada a Santiago, aproximadamente ás 22:00 h.

24 de marzo de 2011

Vivir con artrite: consellos (12)

Reláxate
Cando estamos máis nerviosos, os músculos están tensos e estamos máis sensibles á dor, e se aumenta a dor, cada vez estamos máis nerviosos, producíndose un círculo “nerviosismo-dor-nerviosismo”. A relaxación pode ser unha forma de rompelo. Empeza con respiracións lentas e profundas, despois trata de relaxar todas as partes do corpo, imaxinando que están frouxas e pesadas, para terminar imaxinando unha imaxe que che resulte agradable, como unha praia. Para que isto funcione, debes utilizar todos os sentidos (escoitar as olas, sentir o calor do sol sobre a pel…). Podes facer estes exercicios en silencio ou con música relaxante, pero debes practicar con regularidade.

Extraído do artigo “Técnicas que pueden ayudarte a manejar el dolor”, publicado na revista Mira nº 2. Autora: Leticia León Mateos.

28 de febreiro de 2011

Axudas para a promoción da autonomía persoal e accesibilidade

A Consellería de Traballo e Benestar publicou recentemente a orde que regula as axudas individuais destinadas á promoción da autonomía persoal e a accesibilidade. 

Estas axudas están destinadas a: 
  • Apoiar a persoa con axudas técnicas ou produtos de apoio para o normal desenvolvemento da vida diaria.
  • Facilitar as adaptacións funcionais do fogar e a eliminación de barreiras arquitectónicas e de comunicación no interior da vivenda que contribúan a mellorar a autonomía persoal e a previr situacións de dependencia maiores, así como mellorar a súa accesibilidade.
  • Adquisición de próteses dentais e audífonos co obxecto de compensar as limitacións funcionais. 
O prazo de solicitude é de dous meses, a contar dende o seguinte ao da publicación da orde (publicada no DOG do 28 de febreiro)

Vivir con artrite: consellos (11)

No traballo doméstico hai que evitar facer forza coas mans.
Non é bo retorcer a roupa, abrir tapadeiras de rosca, premer con forza mangos de cubertos ou fregona, etc. Nalgunhas ortopedias hai utensilios que poden ser de axuda para as tarefas domésticas.

Extraído de “Calendario 2010: Consejos para la artritis reumatoide”, editado por Abbott e Elsevier Doyma e elaborado polo Dr. Rafael Goya Moscoso a partir das publicacións: Artritis reumatoide: Guía de la enfermedad para el paciente; ¿Qué es la artritis reumatoide?, e La dieta y las enfermedades reumáticas, editados pola Sociedad Española de Reumatoloxía

16 de febreiro de 2011

Axudas por fillas e fillos menores de tres anos

A Consellería de Traballo e Benestar publicou recentemente a orde que regula as axudas a concesión da prestación económica de pagamento único por fillas e fillos menores de tres anos para o ano 2011. As persoas que poidan solicitala, teñen de prazo 40 días naturais, a contar dende o seguinte á da publicación da orde (publicada no DOG do 15 de febreiro)

Ver texto da orde

12 de febreiro de 2011

Oferta de turismo termal

Dende as Termas de Cuntis achégannos unha oferta especial para asociacións para o mes de marzo.
Esta sería no Hotel Castro do Balneario****; tanto para grupos como a nivel individual.


4 de febreiro de 2011

Obradoiro de Exercicio Físico Adaptado e Alimentación nas Enfermidades Reumatolóxicas

En datas próximas terán lugar novos obradoiros en colaboración coa Escola Galega de Saúde para Cidadáns, do Sergas, esta vez sobre "exercicio físico adaptado e alimentación nas doenzas reumáticas".

Esta actividade é gratuíta e está dirixida a pacientes, familiares e cidadanía en xeral (necesaria inscrición)

Lugares e datas: 
  • Pontevedra | C.H de Pontevedra | Mércores 21 de Marzo 2011 | Inscrición (ata 18 de marzo)
  • Santiago | Escola Galega de Administración Sanitaria (FEGAS) | Luns 4 de Abril de 2011 | Programa Inscrición (ata 1 de abril)
  •  
    Actualización 16/02/11: Cambio de data do obradoiro de Pontevedra, que será o día 21 de marzo.

22 de xaneiro de 2011

Vivir con artrite: consellos (10)

Protexer as articulacións.
Existen dispositivos de axuda que pode utilizar para facilitar as súas actividades diarias tales como: soportes para a entrada e saída da bañeira, asentos de plástico para a ducha, cepillos de mango largo, abridores para tarros e botellas, abrelatas e coitelos eléctricos, empuñaduras grosas para cubertos e útiles de aseo, barras de axuda para vestirse, calzadores de mango largo para calcetíns, medias ou zapatos e un longo etcétera que non debería dubidar en utilizar para non forzar as súas articulacións.

Extraído do artigo “Consejos generales para proteger las articulaciones”, publicado na revista Mira nº 1. Autora: Nieves Martínez Alberola.

13 de xaneiro de 2011

Hablemos de Artritis reumatoide

A Sociedade Española de Reumatoloxía (SER), a Coordinadora Nacional de Artritis (ConArtritis) e Roche“Hablemos de Artritis Reumatoide” co obxectivo de proporcionar un instrumento de apoio e un pequeno manual de consulta para o paciente. presentaron o pasado mes de novembro o libro

A publicación inclúe información sobre a enfermidade e os tratamentos e recomendacións moi útiles para a súa vida diaria. Este libro axuda a dar resposta ás dúbidas que xorden despois do diagnóstico da enfermidade e proporciona información estructurada e básica, empezando por que é unha articulación e que acontece nela cando tes Artrite Reumatoide, nunha linguaxe moi sinxela e doadamente comprensible. 

O libro "Hablemos de Artritis Reumatoide" foi editado pola editorial ACV edicións, declarado de utilidade para os pacientes reumáticos pola Sociedade Española de Reumatoloxía, declarado de interese para as persoas con artrite por ConArtritis e esponsorizado por Roche.

Agora xa podes consultar o libro en internet.

4 de xaneiro de 2011

Vivir con artrite: consellos (9)

É importante descansar.
Pola noite descanse entre 8 e 10 horas e intente disfrutar dunha sesta de 30 minutos a unha hora. Cando estea na cama procure ter os brazos e as pernas ben estirados.

Extraído de “Calendario 2010: Consejos para la artritis reumatoide”, editado por Abbott e Elsevier Doyma e elaborado polo Dr. Rafael Goya Moscoso a partir das publicacións: Artritis reumatoide: Guía de la enfermedad para el paciente; ¿Qué es la artritis reumatoide?, e La dieta y las enfermedades reumáticas, editados pola Sociedad Española de Reumatoloxía