_sin%20fondo.png)
·
ConArtritis-Santiago,
conta con este programa xestionado por COGAMI e que leva a cabo grazas ao financiamento
da Xunta de Galicia, a través dos fondos do 0,7% do IRPF da declaración da
renda procedente das persoas contribuíntes que marca a casa,” Actividades de
interese xeral, consideradas de interese social”
·
Unha
iniciativa que vén desenvolvendo desde o ano 2020 deseñada para promover o
benestar integral e a independencia das persoas afectadas por artrites. Cun
enfoque innovador e actividades adaptadas.
·
Grazas este
proxecto beneficiouse a un centenar de participantes, ofrecendo ferramentas e
recursos para mellorar a súa calidade de vida e fomentar a súa inclusión
social.
·
Santiago de Compostela 03 de xaneiro 2025 – Durante o ano
2024, atendéronse ao redor de 130 consultas, facendo fincapé na importancia dun
enfoque integral para o tratamento da artrite. O Programa de Autonomía Persoal
inclúe unha serie de actividades deseñadas para fomentar o benestar físico e
emocional dos usuarios. Trátase de proporcionar unha perspectiva global que dea
resposta ás principais preocupacións dos enfermos. E é que, tras o diagnóstico,
os pacientes enfróntanse a numerosas inquietudes e dúbidas sobre o seu futuro e
calidade de vida, desde os tratamentos ata os problemas de integración social e
laboral derivados da enfermidade.
As actividades realizadas abarcan talleres de mindfulness e
nutrición, charlas informativas sobre a enfermidade, así como sesións de
psicoloxía, fisioterapia e sesións de Marcha Nórdica que se inclúen tamén para
fomentar a actividade física de maneira adaptada ás capacidades dos
participantes.
Ademais, ConArtritis-Santiago estivo presente na Feira de Saúde do
Concello de Ames, creando un espazo de intercambio e divulgación sobre a
artrite e as iniciativas de apoio dispoñibles para os afectados.
"Este programa é un paso crucial cara á autonomía e o
benestar das persoas que enfrontan a unha enfermidade reumática", comentan
desde ConArtritis-Santiago. "Mediante o apoio terapéutico e a educación,
buscamos mellorar a súa calidade de vida e promover unha maior integración
social".
Desde
ConArtritis-Santiago lémbrannos que a maioría das persoas con enfermidades como
a artrite reumatoide, artrite psoriásica, artrite idiopática xuvenil e a
espondiloartritis, non contan cunha discapacidade recoñecida. “Más dun 60% das
persoas asociadas teñen menos dun 33% de discapacidade, o que dificulta aínda
máis a súa inclusión social e laboral”,. “Desde ConArtritis levamos anos
loitando por un verdadeiro recoñecemento da discapacidade orgánica para que
todas as persoas que teñen estas enfermidades logren unha verdadeira
integración”, comenta Sandra Mugico, delegada de ConArtritis-Santiago.
Como contactar?
Desde O Programa de promoción de autonomía persoal aténdese ás persoas interesadas de luns a xoves en horario de 9:00 a 13:00 horas de forma presencial, baixo cita previa polas tardes na súa sede. Ademais, o primeiro, segundo e cuarto venres de cada mes préstase o servizo na área asociativa de pacientes do Hospital Clínico Universitario de Santiago de Compostela (situado na planta baixa), en horario de 9:00 a 11:00 horas.
