I Premio de relato curto: Conta a túa historia

Lilly anima ás organizacións de pacientes a "contar a súa historia" coa investigación clínica a través dun certame literario.

Lilly abriu o prazo para presentar as candidaturas ao I Premio de Relato Curto "Cuenta tu historia", dirixido a organizacións de pacientes con sede en España. O obxectivo do premio é compartir a súa experiencia ou a súa visión sobre a investigación clínica, para axudar a outras persoas. As tres mellores obras serán premiadas con 2.000, en primeiro lugar, e 1.000 euros cada un dos dous finalistas.

A iniciativa foi presentada dentro da IV Xornada Lilly de Pacientes e Investigación Clínica, dedicada a impulsar o papel do paciente experto nos ensaios clínicos e que reuniu a máis de 40 organizacións de toda España.

Nos últimos anos, o paciente pasou de ter un rol pasivo respecto aos ensaios a ser un axente activo no proceso de desenvolvemento de novos medicamentos. Ferramentas como "Cuenta tu historia" son unha vía de comunicación e concienciación clave para que poidan facerse oír e trasladar as súas inquietudes e experiencias.

Para participar no certame, as persoas interesadas deben enviar as obras a través da organización de pacientes á que pertenzan, á dirección de correo electrónico vozdel_paciente@lilly.com, antes do 10 de abril.

As bases do concurso poden consultarse aquí. O nome das entidades gañadoras comunicarase en xuño.

Exposición do I Certame fotográfico sobre enfermidades reumáticas

Durante estes días en Santiago pode visitarse a exposición das fotografías finalistas do "I Certame Fotográfico sobre Enfermidades Reumáticas". 

Como xa explicamos o ano pasado, este certame é unha iniciativa que naceu co obxectivo de concienciar á sociedade sobre o impacto que supoñen estas patoloxías e a importancia do diagnóstico precoz.

• Onde: Hall e Salón de Actos da biblioteca pública Anxel Casal (Avda. de Xoán XXIII s/n)
• Cando: Ata o 26 de marzo.Pódese visitar durante o horario de apertura da mesma (luns a venres: de 8:30 a 21:00 h. Sábados: 10:00 a 14:00 h) 

 

Presentación da exposición

Presentación da exposición

O mércores 20 de marzo tivo lugar o acto de presentación da exposición, que se celebrou tras unha convocatoria de prensa na que se espuxeron os resultados dun estudo pioneiro realizado entre máis de 600 pacientes con enfermedades reumáticas. 
Neste almorzo informativo participaron Ana Vázquez (presidenta da Liga Reumatolóxica galega), o Dr. Jenaro Graña (reumatólogo do Complexo Hospitalario Universitario da Coruña), e Marisa Balado (presidenta da Asociación de Artrite de Santiago de Vicepresidenta de ConArtritis)

Estudio sobre enfermidades reumáticas.

No marco da presentación da exposición, déronse a coñecer os resultados dun estudio realizado co obxectivo de coñecer en profundidade o impacto psicolóxico, laboral e personal que teñen as enfermidades reumáticas, que revelou os seguintes datos referentes á comunidade galega. Ver os resultados do estudo.

II Certame de fotografías sobre enfermidades reumáticas.

O certame de fotografías ten continuidade asegurada, pois xa se abriu a súa II convocatoria, na que poden participar profesionais sanitarios, pacientes ou público en xeral. Tes aquí toda a información.

II Certame de fotografía sobre enfermidades reumáticas

Dende a Asociación de Artrite de Santiago convidámosvos a participar no II Certame de fotografía sobre enfermidades reumáticas, que este ano ten o obxectivo de concienciar sobre a espondiloartrite. O prazo para participar está aberto ata o próximo 1 de maio.
 
Este ano conta coa colaboración de Juan Luis Suárez, o guitarrista del sueño de morfeo e paciente de espondilite anquilosante, quen inaugurou a apertura do concurso a través da fotografía que vos mostramos á esquerda.

Xa podedes enviar as vosas fotografías a través da web 
www.certamenfotografiareumatologia.es

Para máis información podes consultar as BASES DO CONCURSO

 

Sobre a espondiloartrite

As espondiloartrites son un conxunto de patoloxías que afectan a 900.000 persoas en España e que impactan directamente sobre a calidade de vida dos pacientes e o seu ámbito sociofamiliar. Poden afectar á vida diaria destes e dificultar a realización de tarefas cotiás como vestirse, asearse e facer exercicio físico. Tamén adoitan ter gran repercusión no ámbito laboral. En función do grao de minusvalidez que xere a enfermidade, a persoa pode chegar a necesitar un cambio de posto de traballo ou de profesión, e mesmo pode verse obrigada a deixar de traballar de xeito temporal ou permanente. Todo iso ten un impacto a nivel emocional nos pacientes que se traduce na aparición de sentimentos de culpabilidade, trastornos do sono ou dificultades na concentración.

Entre todos, debemos crear conciencia da importancia e o impacto destas patoloxías. Para iso, dende as entidades organizadoras e colaboradoras deste certame, animan a participar no concurso coas vosas fotografías para contribuír a aumentar o coñecemento e a concienciación destas enfermidades.

I Certame de fotografías sobre enfermidades reumáticas

Varias entidades asociativas relacionadas coas enfermidades reumáticas uníronse para organizar este certame que premiará con 1.200 euros as mellores fotografías, en tres categorías diferentes: público xeral, persoal médico e pacientes. Ademais, haberá un premio especial consistente nunha cámara reflex, que se concederá á imaxe elexida mediante votación popular na web do certame.

O tema das fotografías deberá reflexar o impacto individual (físico e emocional) e social (familiar e colectivo) das enfermidades reumáticas, abordándoo de maneira positiva.

Pode participar calquera persoa, tanto aficionadas como profesionais da fotografía.  

Tes ata o 30 de maio para enviar as túas fotografías. ANÍMATE E PARTICIPA!

Ir á web do certame