A participación en ensaios clínicos: vivencia dunha paciente de artrite

Participación na III Xornada de Portas Abertas sobre Investigación
Clínica de Lilly. Fotografía de Asociación de Diabéticos de Madrid.

Teresa Conde, vogal da Asociación de Artrite de Santiago, e cun diagnóstico de artrite reumatoide dende hai 12 anos, compartiu recentemente a súa experiencia persoal sobre a participación en estudos clínicos.

A primeira ocasión foi no marco da III Xornada de Portas Abertas sobre Investigación Clínica de Lilly, que tivo lugar en Madrid o día 22 de novembro.

E o pasado 13 de decembro, fixéronlle unha entrevista en Radio Obradoiro.

En ambas ocasións, contou en primeira persoa como viviu a súa implicación en dous estudos clínicos. Ttransmitiu unha mensaxe optimista, animando a perder o medo, pois estes estudos poden ser unha oportunidade para acceder a tratamentos que melloren a nosa calidade de vida.

Outro momento da participación na xornada.

Noticias relacionadas:

El Correo Gallego, 15/12/13

Radio Obradoiro, 13/12/13 (pode escoitarse a entrevista)

III Xornada de portas abertas sobre investigación clínica de Lilly (pode verse o vídeo da participación na xornada. Participación de Teresa a partir do minuto 3:10)

El Retrato, documental sobre a artrite

O programa La aventura del saber, que se emite na 2 de TVE, emitiu o 9 de outubro de 2012 o documental sobre a artrite reumatoide "El Retrato".
É unha historia que nos ensina cómo o afán de superación da súa protagonista, Arantza, xunto cos novos avances en medicamentos, fai posible que non só leve o seu día a día dunha mellor forma. Arantza pinta e prepara para a súa primeira exposición. O documental achéganos á súa vida, ao seu entorno: o estudo onde traballa, o médico que a atende, a asociación na que participa, a familia... todo isto mentres dialoga coa súa amiga, modelo para a ocasión e compañeira de artrite reumatoide.

Deixamos á vosa disposición baixo estas liñas o programa, que ademais do documental inclúe unha entrevista ao Dr. José Manuel Rodríguez Heredia e a Antonio Torralba, presidente de ConArtritis.

La aventura del saber - 09/10/12
Ver vídeo

-->

A Asociación de Artrite nos medios

A Asociación de Artrite de Santiago está sendo noticia estes días pola campaña "Outubro, mes da artrite", que inclúe actividades como as mesas informativas nos hospitais e a celebración da VII Xornada Nacional de Artrite.

Estes eventos fixeron que nos últimos días se incrementase significativamente o interese dos medios de comunicación pola doenza de artrite, así como polas actividades e servizos da nosa asociación. Isto significa moito para nós, pois un dos obxectivos da asociación é a sensibilización e a visibilización desta doenza. 

Estas son algunhas das novas publicadas estes días:

• Programa Aquí Galicia, Radio Galega, 12 de outubro de 2011 | Participación de Marisa Balado, presidenta da Asociación de Artrite de Santiago (a partir do minuto 39)
• Programa Bos días, TVG, 12 de outubro de 2011 | Entrevista a Marisa Balado, presidenta da Asociación de Artrite de Santiago
• Novas. Correo TV, 10 de outubro de 2010 | Participación de Marisa Balado, presidenta da Asociación de Artrite de Santiago (a partir do minuto 9)
• Telexornal mediodía, TVG, 6 de outubro de 2011 | Hai máis de 13.000 galegos afectados pola artrite
  
• El Correo Gallego, 6 de outubro de 2011 | Santiago acoge hoy la VII Jornada Nacional de Artritis
• Programa Convivir en igualdade. Radio Galega, 5 de outubro de 2011 | Participación de Marisa Balado, presidenta da Asociación de Artrite de Santiago (a partir do minuto 29)

Na sección "prensa" desta web pódese acceder a moitas outras noticias relacionadas coa artrite e coa Asociación de Artrite de Santiago.

De paciente a paciente en Santiago

O proxecto "De paciente a paciente" edita un newsletter que recolle, no seu último número, a experiencia levada a cabo no Hospital Clínico de Santiago de Compostela, e inclúe unha entrevista a Marisa Balado, presidenta da Asociación que exerce como voluntaria neste proxecto de apoio emocional e acompañamento a pacientes.

Ver newsletter nº 2.
Ver outros newsletter do proxecto.
Máis información sobre o proxecto "De paciente a paciente"

A Asociación de Artrite de Santiago na Revista Mira

O número 3 de "Mira", a revista especializada en Artrite da Fundación Abbott, recolle a experiencia da presidenta da Asociación de Artrite de Santiago, Marisa Balado, como paciente de artrite reumatoide dende hai uns 26 anos.


Marisa comparte a súa experiencia persoal, ao tempo que conta cómo xurdiu a Asociación, e o traballo que se fai dende a mesma.

Ver o artigo completo.