Acordo co CSEU La Salle

Comunicamos que a Coordinadora Nacional de Artrite asinou un acordo de colaboración Centro Superior de Estudos Universitarios La Salle (CSEU La Salle) a través do cal ambas as entidades comprométense a realizar unha serie de accións que beneficie a ambas as partes en aspectos clínicos, educativos e de investigación.

Ademais, grazas a este acordo, CSEU La Salle fixará unha cota fixa cun desconto para que calquera socio de ConArtritis poida recibir sesións de rehabilitación no Instituto de Rehabilitación Funcional de La Salle. Este beneficio tamén é aplicable aos socios e socias de asociacións de pacientes que forman parte de ConArtritis, aínda que as instalacións de CSEU están en Aravaca (Madrid).

Á súa vez, CSEU La Salle abriu a clínica solidaria do Instituto de Rehabilitación Funcional de La Salle coa finalidade de poder dar atención ás persoas que por cuestións económicas non poidan acceder a un tratamento de recuperación e/ou habilitación de terapia ocupacional e/ou fisioterapia, en función das necesidades. Para estas persoas, os servizos terán unhas tarifas especiais.

Quen teña interese neste desconto, pode poñerse en contacto con ConArtritis en:
    Teléfono: 91 535 21 41
    Mail: conartritis@conartritis.org (Asunto: Socio La Salle).

Máis información sobre este acordo aquí.

Convenio co centro de Fisioterapia Ces Carou

A Asociación de Artrite de Santiago e o centro de Fisioterapia Ces Carou inician unha colaboración a través da cal, as socias e socios que o precisen, terán os servizos deste centro a un prezo máis vantaxoso do que custaría a nivel particular.
Así, o Centro Ces Carou ofrece as seguintes prestacións e servizos:

1. Tratamento de lesións deportivas: 15€ por sesión.
2. Tratamento de patoloxías varias (tendinopatías, esguinces...): 15€ por sesión.
3. Fisioterapia a domicilio: 35€ por servizo cando a distancia non exceda de 4 km. (para distancias maiores ambas partes negociarán o importe do desconto)
4. Tratamento de lesións neurolóxias: 25€ por sesión.
5. Todos os pacientes serán valorados e tratados individualmente con sesións non inferiores a unha hora aproximadamente. Ademais o profesional que os atenda facilitaralles os consellos de hixiene postural e programa de exercicios para realizar no domicilio, de ser necesario.

CES CAROU iniciou a súa actividade no ano 2004, ofrecendo servizos de Fisioterapia Xeral. Actualmente conta cun plantel de fisioterapeutas, con experiencia en Fisioterapia e Terapia Manual, abordando un gran abanico de doenzas e abarcando a gran maioría de problemas biomecánicos, osteo-articulares e musculares que provocan dor e restan calidade de vida.

O centro CES CAROU está situado en Bertamiráns, Rúa Alcalde Lorenzo, nº 26, baixo. Para solicitar cita, podes chamar ao seu teléfono: 881.973.537
 

Oferta termal en Cuntis

Termas de Cuntis ofrece as seguintes condicións especiais para as persoas da asociación durante o mes de decembro.

Hotel La Virgen ****
Condicións: Aloxamento + pensión completa + Acquaform
Prezo: 45€/persoa/noite
Mínimo 20 persoas e 4 noites

IVE incluído.

Contacto

Oferta termal para socios/as

Dende as Termas de Cuntis ofrécennos unha nova oferta exclusiva para socios e socias da Asociación de Artrite de Santiago:

HOTEL CASTRO****

Media Pensión

Acceso Libre ao Circuito Lúdico-Termal Acquaform

45€/persona y noche

IVE incluido

 

Oferta válida do 12 ao 15 de Maio.
Suxeito a dispoñibilidade no momento da reserva.

Oferta en Termas de Cuntis

Termas de Cuntis ofrece ás persoas da Asociación de Artrite de Santiago dúas ofertas de estancia termal nas súas instalacións:

OFERTA 1 NOITE

• Aloxamento no Hotel Castro do Balneario**** 
• Pensión Completa
• Acceso Libre ao Circuito Lúdico-Termal Acquaform
• 1 Recubrimiento de Chocolate
• 1 Chorro
• Prezo: 57€ por persoa e noite

OFERTA VÁLIDA DO 24/02 AO 29/02 E DO 17/03 AO 23/03.

NON ACUMULABLE A OUTRAS OFERTAS

OFERTA 5 NOITES OU MÁIS

• Aloxamento no Hotel Castro do Balneario****
• Pensión Completa
• Acceso Libre ao Circuito Lúdico-Termal Acquaform
• Consulta Médica
• Tratamento Termal
• Prezo: 55€ por persoa e noite

OFERTA VÁLIDA DO 24/02 AO 29/02 E DO 17/03 AO 23/03.

NON ACUMULABLE A OUTRAS OFERTAS

Convenio co Balneario Compostela

O Hotel Balneario de Compostela é un moderno e completo balneario con equipo médico, fisioterapia e rehabilitación, centro de estética, solarium, hidroterapia, masoterapia, tratamentos complementarios. Dispón ademáis dun Club Termal con piscinas de chorros, etc.

A Asociación de Artrite de Santiago vén de asinar un convenio con este centro para que os nosos socios e socias poidan disfrutar de prezos vantaxosos nos servizos que ofertan.

Así, poderemos beneficiarnos dos seguintes descontos:

• 10% no servizo de aloxamento en réxime só de aloxamento.
• 15% nos servizos soltos de balneario (excepto estética e consulta médica)
• 15% en programas de balneoterapia: Hidroterapia.
• Uso gratuíto das piscinas e ximnasio durante a estancia, sempre que se aloxen no hotel polo menos unha noite, e que reserven a OFERTA COMPOSTELA que aparece publicada na súa páxina web.

A oferta esténdese tamén a familiares de primeiro grao que acompañen ás persoas socias da AAS nestes servizos.

Os descontos non son acumulables con outro tipo de ofertas ou promocións.

Para acceder ao servizo, é necesario que a asociación confirme directamente co Hotel a condición de socio/a, polo que o mellor é avisar con antelación.

O Hotel Balneario Compostela está no concello de Brión, a 8 km. de Santiago pola estrada C-543.

Excursión a Lugo e Begonte, e xantar de Nadal

Xa estamos preparando a próxima actividade da Asociación, que será unha excursión de un día.
Sairemos dende Santiago con destino á cidade de Lugo, famosa polas súas murallas que datan da época romana. Nesta cidade visitarase o museo Provincial, a catedral de estilo románico do século XII, así como as súas prazas: Santa María, a Praza do Campo e a Praza Maior presidida polo concello. Destaca tamén as súas rúas comerciais: Rua da Raíña e a Praza de Santo Domingo.
Despois dun tempo libre, faremos o xantar de confraternidade de Nadal.
Pola tarde iremos a Begonte para visitar o seu famoso Belén articulado, un dos mellores beléns que hai non só en Galicia senón no noso país.
Regresaremos a Santiago con chegada aproximada ás 21:00 h.

Belén de Begonte

Data: Sábado 15 de decembro.

Muralla de Lugo

Información sobre prezos e reservas: Tlf. 659 084 950

As persoas socias da Asociación de Artrite de Santiago, beneficiaranse dun importante desconto no prezo desta actividade.

 
O PREZO INCLÚE:

• Autocar dende Santiago
• Xantar
• Seguro de viaxe
• Guía técnico acompañante

Acompáñanos!

Oferta termal en Cuntis para socios e socias

Oferta para Semana Santa no Balneario de Cuntis

Convenio co Centro de Día Atendo de Santiago

Atendo Calidade S.L. é unha entidade de servizos especializados no ámbito sociosanitario baseada na calidade profesional; que conscientes das necesidades das familias e coidadores, e preocupados pola calidade de vida das persoas maiores oferta unha serie de recursos como, Centro de Día, Axudas Técnicas, Servizo de Axuda no Fogar,  Formación e todos aqueles que fagan que o maior permaneza no seu entorno.

Nos seus centros de día realizan actividades de estimulación que combinan as novas tecnoloxías cos métodos tradicionais e cunha intervención que traballa con grupos diferenciados segundo as súas capacidades, dun máximo de 10 persoas, con obradoiros especializados durante a xornada de mañá e de tarde e con programas especializados para persoas con Alzheimer, Parkinson e ACV.

A Asociación de Artrite de Santiago e Atendo asinaron recentemente un convenio a través do cal os socios e socias teremos un desconto do 15% sobre o prezo de tarifa no Centro de Día de Santiago de Compostela. Para poder beneficiarse desta oferta tan só hai que acreditarse como socio/a no momento de contratar o servizo presentando a tarxeta de socio/a da AAS.

O Centro de Día Atendo de Santiago está ubicado en Rúa de Fernando III 'O Santo', 30 e os seus datos de contacto son os seguintes: 

centrodediasantiago@atendo.es
Tlf. 981 93 77 10

 http://www.atendo.es/red-de-centros/santiago/