26 de decembro de 2014

A Unidade de Rematoloxía Pediátrica do CHUS

Os nenos e nenas, ao igual que os adultos, poden padecer enfermedades reumáticas; de feito en España máis de 10.000 nenos/as sofren algunha enfermidade reumatolóxica. O descoñecemento deste tema na sociedade actual, fai que a población non asuma estas enfermedades nos nenos da forma máis adecuada, o cal conduce a un diagnóstico e tratamento tardío coa consecuente repercusión no seu estado de saúde. A gran maioría destes padecementos son de base autoinmune sendo necesaria unha atención máis especializada deste tipo de enfermedades e os seus complexos tratamentos.

A Unidade de Reumatoloxía Pediátrica do Hospital Clínico de Santiago de Compostela nace a partir da colaboración entre pediatras e reumatólogos con experiencia no tratamento de nenos e nenas con enfermedades reumáticas e en conexión con outros centros que manteñen unha atención similar. A Unidade formouse co obxectivo de atender aos problemas e necesidades dos nenos da nosa área sanitaria con problemas reumatolóxicos. Desta maneira pódese atender a población pediátrica dunha maneira máis integral e personalizada, ao mesmo tempo que nenos e pais/nais poden relacionarse con outros cando asisten á consulta, o cal axuda á normalización e a unha maior comprensión da súa situación.

O reto desta Unidade é cegar ao maior número posible de nenos e nenas con enfermedades reumáticas co fin de realizar un diagnóstico e tratamento precoz que minimice posibles lesións, alones as secuelas e mellore a súa calidade de vida.

Compoñentes do equipo:
  • Dr. Mera Varela (Reumatólogo)
  • Dr. Souto Vilas (Reumatólogo)
  • Dra. López Sousa (Pediatra)

Ampliamos a actividade de TaiChi e Meditación

Comecemos o ano con bo pé. E qué mellor maneira de facelo que practicando algunha actividade para o coidado da nosa saúde.
As actividades de Meditación e Tai Chi axúdannos a reducir a tensión muscular ofrecendo un alivio da dor e por conseguinte fan que nos sintamos moito mellor.
Por isto, anunciamos que ampliamos a oferta desta actividade, que ademais de ofrecerse no CSC de Fontiñas, tamén se fará no CABES.
  • Lugar: Casa das Asociacións de Benestar Social (CABES), R/ Manuel María nº 6, Santiago (Zona Salgueiriños). (Ximnasio).
  • Inicio da actividade: 12 de xaneiro do 2015.
  • Grupo mínimo: 6 persoas.

TAI CHI:
  • Luns e mércores de 17 a 18 h.
  • Prezo socios/as: 25 € trimestre.
  • Prezo non socios/as: 50€ trimestre.

MEDITACIÓN:
  • Lunes e mércores de 18 a 19 h.
  • Prezo socios/as: 25 € trimestre.
  • Prezo non socios/as: 50 € trimestre.

INSCRICIÓN NAS DÚAS ACTIVIDADES: 
  • Prezo socios/as: 40 € trimestre.
  • Prezo non socios/as: 80 € trimestre.
Para inscribirte, podes facelo a través do email da asociación: info@artrite-santiago.org ou ao tlf: 659 084 950.




24 de decembro de 2014

Dende a Asociación de Artrite de Santiago, desexámosvos que disfrutedes nesta Noteboa, que pasedes moi bo Nadal e que o 2015 veña cargado de bos momentos!


3 de decembro de 2014

Taller sobre uso axeitado dos medicamentos

Escola Galega de Saúde para CidadánsA Escola Galega de Saúde para Cidadáns, do Sergas, imparte o próximo 10 de decembro un taller sobre o USO AXEITADO DOS MEDICAMENTOS
Falarase das funcións dos medicamentos, dos seus beneficios e riscos, da seguridade, da súa eficacia, da automedicación, da polimedicación, da adherencia, e da participación do paciente nas decisións sobre o seu tratamento.

Será no Hospital Clínico de Santiago de 16:00 a 20:00 h. Edificio de docencia, aula 3, 1º piso.
Ver programa
Facer inscrición (Se o prefires, podes chamar á asociación para que formalicemos a inscrición directamente coa Escola Galega de Saúde para Cidadáns)

1 de decembro de 2014

Vivir con artrite: consellos (30)


Alterne períodos de actividade e de descanso.
Distribúa os seus labores ao longo do día para evitar movementos repetitivos sobre as mesmas articulacións. Traballe a un ritmo tranquilo e pausado intercalando períodos de descanso antes de sentirse fatigado ou dorido.

Extraído de: Revista Mira, nº 4. Artigo “Hábitos para cuidar las articulaciones”, de María Victoria Barrera

21 de novembro de 2014

Charla educativa sobre Artrite idiopática xuvenil

A Unidade de Reumatoloxía Pediátrica do Hospital Clínico de Santiago organiza unha charla impartida por reumatólogos, e dirixida a pais/nais de nenos e nenas con enfermidades reumáticas.

  • Data: 12 de decembro de 2014 ás 17:30 horas
  • Lugar: Aula 1, planta baixa, Hospital Clínico de Santiago

14 de novembro de 2014

Obradoiro sobre recursos sociais e sociosanitaris

A Escola Galega de Saúde para Cidadáns, do Sergas, imparte o próximo luns un taller sobre os RECURSOS SOCIAIS E SOCIOSANITARIOS dispoñibles para pacientes. Falarase de diferentes prestacións económicas, do recoñecemento da dependencia, de servizos como teleasistencia, axuda no fogar, xeolocalizadores, mobilidade 065, do acceso e uso a centros de día e centros de noite, a servizos residenciais ou a centros ocupacionais, de materiais ortoprotésicos e produtos sanitarios... 

Será no Hospital Clínico de Santiago de 16:30 a 20:30 h.
Ver programa
Facer inscrición

6 de novembro de 2014

Actividades recentes da Asociación de Artrite de Santiago

A Asociación de Artrite de Santiago foi connvidada á Xornada Técnica "Mellorando xuntos na abordaxe das enfermidades reumáticas e muscoloesqueléticas", celebrada o 20 de outubro no Ministerio de Sanidade, Servizos Sociais e Igualdade, en Madrid, onde se presentou  a Estratexia en Enfermidades Reumáticas e Muscoloesqueléticas do Sistema Nacional de Saúde e no que tamén se presentaron os distintos programas que se están a levar a cabo en diferentes comunidades para mellorar o abordaxe das enfermidades reumáticas e musculoesqueléticas.







O día 30 de outubro celebrouse o taller impartido pola Dra. Eva Pérez Pampín sobre a prevención de infeccións nas enfermedades reumáticas no Hospital Clínico de Santiago, no que se explicou a importancia da vacinación tanto da gripe como do pneumococo, e cómo previr infeccións, onde se destacou tamén a importancia dunha boa hixiene bucodental.







4 de novembro de 2014

Vivir con artrite: consellos (29)

Presta atención á adherencia ao tratamento

A adherencia ao tratamento defínese como o grao no que o comportamento do paciente se corresponde coas recomendacións do profesional médico. O teu papel como paciente é fundamental:
Establece unha relación de respecto e confianza co profesional sanitario.
Non te sintas culpable, es só un dos factores que inflúen na adherencia.
Solicita instrucións sinxelas e doadas para reducir as dificultades á hora de seguir o tratamento.
Mantén unha comunicación fluída cos profesionais.
O apoio da túa familia e amigos é clave.
Solicita programas de educación para pacientes para obter unha información completa.
FALA CO TEU MÉDICO SOBRE O TEU PAPEL NO TRATAMENTO.

Extraído do artigo "El papel de la enfermería fundamental para la adherencia al tratamiento", publicado en Revista Mira, nº 1, vol. 2. 2014. Autoría: Mª José León Cabezas.

29 de outubro de 2014

Revista "Mi hospital de Día de Reumatología"


"Mi Hospital de Día de Reumatología" é unha revista publicada por MSD, que conta coa colaboración de ConArtritis. 

Todos ellos escritos por doctores especializados en el tema.
Esta publicación pode encontrarse na consulta do médico, no Hospital de Día, e tamén a través da web de ConArtritis.


28 de outubro de 2014

Taller sobre recursos sanitarios

A Escola Galega de Saúde para Cidadáns, do Sergas, está a organizar un taller co obxectivo de mellorar a información e comprensión dos recursos sanitarios por parte dos pacientes, familiares e cidadanía en xeral.
Será o vindeiro 31 de outubro no Hospital Clínico de Santiago (Aula 3D, bloque D, 1º andar)












.


CONTIDOS

  • Organización e funcionamento dos servizos sanitarios.
  • Acceso e uso de urxencias e emerxencias 061.
  • Acceso e uso das consultas e probas.
  • Acceso e uso de consultas telefónicas.
  • Citación online.
  • Acceso e uso de atención primaria.
  • Acceso e uso de hospitalización, hospitalización a domicilio e hospital de día.
  • Acceso á atención á violencia de xénero, teléfono 016.
  • Onde encontrar esta información e como acceder a ela 
  • Cómo entender a información e incorporar o aprendido.
  • Outros recursos sanitarios.
  • Acceso e uso da Escola Galega de Saúde para Cidadáns. 
  • Tarxeta sanitaria. 
  • Transporte sanitario. 
  • Información para cidadáns. 
  • Web oficial, Webs sanitarias fiables. Revistas sanitarias fiables.
Para facer a inscrición pode facerse a través da páxina web da Escola Galega de Saúde para Cidadáns 

27 de outubro de 2014

Proxecto ANDAR

ConArtritis, co patrocinio de Abbie, puxo en marcha o proxecto ANDAR.

ANDAR é unha plataforma de seguimento da enfermidade, que nunha linguaxe simple nos axuda ás persoas con artrite a tomar un papel activo fronte a esta.

Recentemente publicouse na revista MIRA un artigo sobre esta plataforma onde se explica moi ben en qué consiste e como empezar a utilizala. Consultar artigo.

Unha vez que entre na web www.proyectoandar.com tes que rexistrarte (onde pon "Si no dispone de código de acceso pulse aquí") e empezar a cumprimentar os teus datos para facer o seguimento da túa enfermidade. E ademais, tamén podes descargar a aplicación para tablets, i-pad ou Smartphone.

Se tes algunha dúbida podes chamar ao teléfono: 91 535 21 41.

24 de outubro de 2014

Actividades da asociación

Nas últimas semanas na Asociación de Artrite tivemos unha actividade intensa. Facemos un resumen dos eventos que organizamos ou nos que participamos:


  • O 24 DE SETEMBRO: Estivemos presentes en BIOSPAIN en el "PATIENTS FORUM, THE OSTEOARTHRITIS EXPERT PATIENT". Entre os ponentes podemos destacar a Benjamín Abarca, médico de atención primaria ; Jordi Monfort, reumatólogo do Hospital del Mar de Barcelona e Mercedes Carreras Viñas, Directora da Escola Galega de Saúde para Cidadáns. Neste forum destacouse que a cidadanía cada vez esixe maior corresponsabilidade no ámbito sanitario pero a súa vez alfabetización en saúde é baixa, as enquisas mostran que o 40% da poboación non sabe cando debe solicitar unha 2ª opinión ou que o 33% non sabe utilizar a información que lle dá o médico sobre a súa enfermidade. Por esta razón nace a figura do Doente Experto no que se pretende é formar non só a doentes senón que tamén a coidadores e familiares en saúde en un abordaxe multidisciplinar.

  • 28 DE SETEMBRO: Fomos de excursión ao Grove e a Illa da Toxa. No Grove viaxamos en catamarán, onde nos explicaron como se cultivan os mexilóns, ostras e vieiras, despois puidemos disfrutar dunha degustación de mexilóns con viño albariño. Pola tarde disfrutamos do bo tempo paseando pola Illa da Toxa.



  • 1 DE OUTUBRO: O día 1 é o Día Nacional da Artrite, para conmemoralo puxemos mesas informativas para que doentes, familiares e público en xeral se poideran informar, asesorar e levar material informativo. Estivemos presentes no Hospital Clínico de Santiago, Hospital Provincial de Conxo e no Ambulatorio Concepción Arenal.


  • 3 DE OUTUBRO: O día 3 de outubro celebramos a X Xornada Nacional de Artrite enmarcada dentro da campaña "Outubro, mes da Artrite", cun completo programa: A Carmen Iglesias Rey, directora de FSC Inserta falounos dos recursos para persoas con artrite, concretamente da plataforma de emprego para persoas con discapacidade que desenvolven dende a súa entidade; Emilia Vázquez Rodríguez, avogada, falounos dos dereitos dos doentes, como o dereito a unha segunda opinión ou a opción de facer un testamento vital; a Dra. Eva Salgado Pérez, reumatóloga, explicou a importancia da adherencia na enfermidade da artrite, isto é, a toma da medicación de xeito correcto; e Montse Sánchez Barcia, educadora social e colaboradora da asociación, falounos das redes de apoio para as persoas con artrite. Todos aqueles que se acercaron puideron levar información, resolver todas as súas dúbidas e ó final da xornada disfrutamos duns pinchos.








 


  • 10 DE OUTUBRO: estivemos presentes na I Xornada Divulgativa para o paciente reumático celebrada pola Sociedadeg Galega de Reumatoloxía en Ferrol. Puxemos unha mesa informativa para que todos aqueles que se aceracron á Xornada poideran coñecernos e levar información. 



23 de outubro de 2014

Charla: Prevención de infeccións en enfermidades reumáticas

O próximo día 30 de outubro imos celebrar grazas á Escola Galega de Saúde para Cidadáns unha charla sobre "Prevención de infeccións en enfermidades reumáticas", a cargo da Dra. Eva Pampín, reumatóloga. 


O obxectivo desta charla é mellorar a información e comprensión sobre estes temas por parte dos pacientes e familiares proporcionando as habilidades e coñecementos necesarios para mellorar a calidade de vida.

Programa:  
  • Importancia da vacinación nas enfermidades reumáticas. 
  • Hixiene e prevención de infeccións. 
 Lugar de celebración: Aula clínica, 5ª planta do Hospital Clínico de Santiago. 
 Data: 30 de outubro 2014 
 Horario: 16:30 – 19:30 h. 
 Profesorado: Dra. Eva Pérez Pampín. Reumatóloga en el CHUS 


Para acudir é necesario inscribirse. A inscrición pode facerse online directamente a través da "Escola Galega de Saúde para Cidadáns" (pincha aquí para ir ao formulario de inscrición) ou ben chamando ao teléfono da asociación 659 084 950 ou ao email: 
info@artrite-santiago.org, para que nós fagamos a inscrición.

Esperámosvos! 


22 de outubro de 2014

Estancia termal bo balneario Laias Caldaria


Un ano máis temos prevista unha saída ao balneario Laias Caldaria para o próximo mes de novembro. As datas concretas serán do 3 ao 8 de novembro (de luns a sábado).

No balneario disporemos de:


  • Pensión en réxime completo (almorzo, xantar e cea).
  • 6 días (cinco noites).
  • Traslado incluído (ida e volta).
  • Asistencia médica.
  • Programa termal individualizado segundo criterio médico.
  • Programa de animación.

A saída realizarase o luns 3 de novembro dende o Centro Sociocultural de Fontiñas ás 12:00h.

Esperamos que esta actividade sexa do voso agrado e vos animedes a pasar estes días connosco.


Inscrición ata o 23 de outubro chamando ó teléfono da asociación 659.084.950 (de luns a venres entre 10:30 - 13:00 h.) ou ao email: info@artrite-santiago.org

20 de outubro de 2014

Foro: o experto responde. Respostas


"O Experto Responde" é unha iniciativa organizada pola Escola Galega de Saúde para Cidadáns, do Sergas, na que persoas expertas rresponden a preguntas sobre determinadas doenzas, que calquera persoa pode formular a través da web.
O pasado 16 de outubro, con motivo do Día Mundial da Artrite, a Asociación de Artrite de Santiago colaborou nesta actividade coa presenza de Sandra Mujico como experta. Acompañouna nesta tarefa o Dr. Alejandro Souto Vilas, especialista en reumatoloxía.
Xa poden consultarse as preguntas e respostas que se trataron ese día:

Experto responde: histórico
Ver preguntas e respostas de


13 de outubro de 2014

Homenaxe a Marisa Balado

O pasado 3 de outubro foi a X Xornada Nacional da Artrite, que rematou coa homenaxe a Marisa Balado, como principal promotora da creación da asociación, hai xa case 10 anos. Un acto emotivo, no que quixemos recoñecer o labor desta gran loitadora, e no que a propia Marisa tamén expresou o seu agradecemento a esta "gran familia", ás persoas que compartiron con ela a xestión da asociación durante estes anos, e á súa familia que sempre a apoiou e acompañou.


Marisa Balado durante
o acto de homenaxe

12 de outubro de 2014

Decálogo de dereitos e deberes do paciente con artrite

Coincidindo co Día Nacional da Artrite, celebrado o 1 de outubro, e no acto de presentación da décima edición da campaña Outubro, mes da Artrite, a Coordinadora Nacional de Artrite, ConArtritis, deu a coñecer Dereitos e Deberes do Paciente en 3D, un decálogo que recolle os dereitos e os deberes do paciente con artrite reumatoide, artrite psoriásica, artrite idiopática xuvenil e espondiloartritis elaborado pola propia entidade.

Este documento nace co obxectivo de promover o coñecemento dos dereitos e deberes do colectivo que representa ConArtritis, tendo en conta a lexislación vixente e as necesidades específicas destes pacientes.

Descargar o Decálogo de Dereito e Deberes do Paciente con AR, Aps, AIJ e Espondiloartritis.



11 de outubro de 2014

Foro: O experto responde

Moi pronto teremos unha nova edición do Foro "O experto responde", a través da Escola Galega de Saúde para Cidadáns, do Sergas. Esta vez con motivo da celebración do Día Mundial da Artrite, o vindeiro 16 de Outubro.

Consiste nun foro online no que calquera persoa poderá preguntar todo o que desexe saber sobre este tema. Configúrase así como un espazo accesible á cidadanía a través do cal facilitar acceso á información sobre a artrite e aclarar dúbidas a familiares, doentes e cidadanía en xeral sobre o manexo destas enfermidades.

 

Cómo facer as preguntas?

Hai varias formas de facelo: 

  • A través da páxina web da Escola Galega de Saúde para Cidadáns, no apartado "O experto responde". O día 16 de outubro, de 18.00 a 20:00 h., aparecerá un acceso que di "Envíe agora as súas preguntas", no que hai que entrar para formular calquera dúbida. A partir dese momento os expertos responderán ás cuestións plantexadas en tempo real.

  • Enviándoas previamente ao email da asociación info@artrite-santiago.org. As respostas respostaranse o día 16 a través da web da Escola Galega de Saúde para Cidadáns.

  • Chamando por teléfono á asociación (deberase indicar un email). As respostas respostaranse o día 16 a través da web da Escola Galega de Saúde para Cidadáns.

As respostas van estar colgadas na web da Escola Galega de Saúde para Cidadáns durante bastante tempo polo que poderán consultarse a posteriori. 

 

Quen responderá ás preguntas?

O Dr. Alejandro Souto Vilas, médico especialista en Reumatoloxía da Xerencia de Xestión Integrada de Santiago (Hospital Clínico de Santiago) e Dna. Sandra Mujico Pena, presidenta da Asociación de Artrite de Santiago.

 

 

1 de outubro de 2014

XLIV Congreso da Sogare

Durante este mes de outubro, a parte das actividades organizadas pola Asociación de Artrite de Santiago e por ConArtritis, a Sociedade Galega de Reumatoloxía (Sogare) organiza o seu XLIV Congreso, que será en Ferrol do 10 ao 12 de outubro.
Reunirá aos profesionais galegos da reumatoloxía, e reserva ademais un espazo para os pacientes. Este "Día do paciente reumático" será o venres 10 de outubro, no Salón de Actos do Hospital Arquitecto Macide de Ferrol.


29 de setembro de 2014

Xa podes ler o novo número da revista MIRA!

Podes ler a revista MIRA na páxina web de Reumatología Salud, onde tamén atoparás información útil e de calidade acerca de enfermidades reumáticas autoinmunes.


Neste número destacamos os seguintes artigos:

  • Antonio Torralba, presidente de ConArtritis e Carmen Domínguez Quesada, enfermeira do Hospital Virxe da Macarena de Sevilla axúdannos a controlar a enfermidade a través da plataforma ANDAR: Ler artigo. Para máis información sobre a plataforma ANDAR, podes ir á súa web
  • O Dr. Javier Alegre (Xefe de servizo do Hospital Xeral Yagüe, Burgos) aborda as decisións compartidas no tratamento da Artrite Reumatoide como un dereito do paciente que mellora os resultados da enfermidade. Ler artigo.
  • O Presidente da Sociedade Española de Reumatoloxía Pediátrica, o Dr. Jordi Antón, analiza a Uveíte asociada á Artrite Idiopática Xuvenil. Ler artigo.
  • Jorge Alonso Pelicano, Presidente da Asociación de Espondilite de Sevilla (EAS) cóntanos a experiencia que tivo coa enfermidade e achéganos un pouco máis á súa realidade como paciente. Ler artigo.




28 de setembro de 2014

X XORNADA NACIONAL DE ARTRITE: Por ti e polos demais, fala!


Como en anos anteriores, o próximo mes de outubro celebraremos a campaña “Outubro, mes da artrite”, impulsada por ConArtritis.
 
O lema escollido para este este ano é “Por ti e polos demais ¡Fala!”. Atendendo á situación actual e os cambios que se están producindo na Sanidade e Servizos Sociais do noso país, as persoas con enfermidades crónicas, como son os diferentes tipos de artrite, debemos de coñecer os nosos dereitos como pacientes, as axudas e recursos cos que podemos contar e como debemos afrontar o día a día convivindo coa enfermidade.

As actividades que organizamos en Santiago enmarcadas dentro desta campaña son:
  • Mesas informativas, o día 1 de outubro no Hospital Clínico, no Hospital Provincial de Conxo e no Ambulatorio Concepción Arenal.
  • X XORNADA NACIONAL DE ARTRITE, o día 3 de outubro na aula nº 1 do Hospital Clínico de Santiago a partir das 17:00 h. Contaremos cun interesante programa, e ao finalizar o acto servirase un pequeno aperitivo. 
    Estas Xornadas están declaradas de interese científico pola Sociedade Española de Reumatoloxía.Pregamos comunicar asistencia chamando ao teléfono da Asociación: 659 084 950 ou ao email: info@artrite-santiago.org
    Descargar programa das xornadas

É moi importante para as persoas que sufrimos a enfermidade, as nosos familias, amizades ou o noso ámbito en xeral estar informado. O feito de mostrarse pasivo produce malestar e encerra grandes dúbidas que talvez non nos permiten realizar as nosas actividades diarias de forma satisfactoria, por iso nesta campaña pedímosche que participes, que te impliques.

Ver programa e actividades noutras localidades.


26 de setembro de 2014

A tu ritmo, nº 16

Xa está publicado o último boletín da Coordinadora Nacional de Artritis, "A tu Ritmo".

Este número é moi especial, xa que ademais de contar as actividades que tanto a Coordinadora coma as asociacións de membro de ConArtritis levaron a cabo durante este verán, este boletín é un adianto da que vai ser a X edición de "Outubro, mes da Artrite". Nel poderás consultar as actividades que imos realizar (á espera de confirmar doutras) e as datas nas que se realizarán as diferentes Xornadas informativas, durante todo outubro.

Algunhas das novidades que se presentan é a celebración do "II Encontro de Mocidade ConArtritis" e o "I Encontro Nacional de Nenos con AIJ".





24 de setembro de 2014

Charla do Dr. Pombo

O día 18 de setembro estivo connosco o Dr. Pombo con dous membros do seu equipo para explicarnos en que consiste o Centro de Investigación Clínica en Enfermidades Crónicas (CICEC). Foi unha reunión informal donde puidemos preguntar todas as nosas dúbidas sobre o seu funcionamento, que ensaios clínicos se están a levar e como nos podemos poñer en contacto con eles non só para informarnos dos ensaios senón tamén para obter unha segunda opinión clínica e incluso para facilitar un diagnóstico definitivo a aquelas persoas que carezan del.