Tapóns solidarios para a Artrite Idiopática Xuvenil

Como anunciamos hai un tempo, a Asociación de Artrite de Santiago únese á campaña impulsada por ConArtritis -e grazas ás empresas Fremap e Sending- para a recollida de tapóns para recadar fondos que se destinarán á organización de actividades coas que mellorar a calidade de vida dos nenos e nenas con artrite idiopática xuvenil.

Na comarca de Compostela xa contamos cos seguintes lugares de recollida:

• Centro de Emprendemento de Cidade da Cultura, Santiago de Compostela Ver no mapa
• Fremap (Rúa das Fontiñas, Santiago de Compostela) Ver no mapa
• Colexio Vilas Alborada (Corredoira das Fraguas, 26, Santiago de Compostela) Ver no mapa 

Se queres colaborar coa campaña, ademais de facelo recollendo tapóns e levándoo a un destes puntos, tamén podes crear un punto de recollida. Pode ser no teu lugar de traballo, no teu ximnasio, no colexio dos teus fillos... só tes que pedir permiso, se é necesario, e colocar unha caixa ou bolsa co cartel que podes descargar aquí. O único que debes ter en conta é que unha vez que se recompile un número importante de tapóns, alguén ten que levalos a algún centro Fremap. A campaña estará activa ata maio de 2017 polo que hai tempo para participar e facer un voluntariado activo nesta campaña dunha forma moi sinxela. 

Alégranos poder comunicar que o centro deportivo a Telleira, de Bertamiráns, xa recolleu 7 bolsóns grandes de tapóns, aquí están:

E seguen xuntandomáis! Moitísimas grazas!

Tamén todo o noso agradecemento ao Colexio Vilas Alborada, ademais de constituírse como punto de recollida, interesouse pola iniciativa, e a Asociación de Artrite de Santiago irá a dar charlas informativas aos diferentes cursos. Os primeiros en recibirnos serán os alumnos de infantil de 5 anos, a quen lles explicaremos o que é a artrite a través de contos infantís que teñen como obxectivo explicalo dun xeito sinxelo e adaptado á súa idade.